Heinz de Specht - Omen Songtext

Ich han kei Ahnig was das söll
Nei ich bin würkli irritiert
Will um mich ume immer wieder -
so komischs Züg passiert

Ich weiss nöd wenn und au nöd wie
Will's sich nöd erruiere laht
Au wo's passiert, dass weiss i nie
Biispilswiis im Hallebad

Isch mir e Walross-Frau x Mal
Bim Crawle blöd i d' Queri cho
Churz druf hät sie s' Personal
Als Wasserliich zum Bad uusgno

Oder sievo obedra
Wo über's Parkett stampft die halbi Nacht
Hät uf z'Mal am Tag denah
En Chöpfler ab em Balkon gmacht

Ich han kei Ahnig was das söll
Nei ich bin würkli irritiert
Will um mich ume immer wieder -
so komischs Züg passiert

De läschtig Blitzliecht-Fotograf
- ich glaub de tagi het en gschickt -
De isch ganz plötzlich und ganz brav
Am ne Mikrofon verstickt

Em Chellner wo mi ignoriert hät
Isch es Rechaud explodiert
Die wo s ganz Abteil okkupiert hät
Isch mit de S-Bahn kollidiert

Ich han kei Ahnig was das söll
Nei ich bin würkli irritiert
Will um mich ume immer wieder -
so komischs Züg passiert

Es wär glaub guet eu z'informiere
Was ihn susch no hässig macht
denn chönd ihr eu druf konzentriere
Dass nüt Dumms passiert hüt Nacht

Mängisch gnüegt's, wenn ihr z' luut lached
- oder a de falsche Stell
au wenn ihr selber Witzli mached
nerved ihr ihn eventuell

Wenn da ine diskutiert wird
oder ihr wänd zmitzt drin ga
Wenn ständig s Handy kontrolliert wird
Schiisst en das wahrschindli a

Du sötsch uf kenn Fall rhythmisch klatsche
Und au luut mitsinge wär dumm
Gahn ihn ja nöd go betatsche

usser du gsehsch us wie d'Heidi Klum
Oder so wie d' Sophie Marceau in La Boum