Heinz de Specht - Nomol sGlich Songtext

Nomal s Glich, Nomal s Glich.
Nomal s Glich, Nomal s Glich.

Ich het zwar im dritte Programm viel lieber öppis ganz anders gmacht. So im Stil vo Paul Simon so mit total villne Major siebe Akkörd. Oder mit Schlagzüg und verzerrte Gittare, dass es chlöpft und tätscht und kracht. Aber de Roman het gseit, dass mer das im Theater nöd gutiere würd.

Ich het eu es Programm wo de ganz abig nie glacht wird präsentiert. Und uusschliesslich miini Depressione und s Leid i de Welt thematisiert.
Aber s Management het gmeint, dass das ke Sau intressiert!!

Drum: Nomal s Glich, Nomal s Glich.
Denn machemer halt glich nomal s Glich.

Wi gseit wenns nach mir gange wer, wer ken Stei ufem andere blibe. Aber im Trio hesch eifach kei chance so ganz elei.
Ich het es Konzeptalbum à la the Wall vo de Pink Floyd gschribe. Aber de Christian het gseit er seg ehner für ewigi Liebi 2.
Ich het euses Konzept au gern personell revolutioniert und zudem Zweck bi heinzdespecht zwei drü neui Musiker integriert. Aber de Dani het gstört, dass sich denn eusi Gage halbiert.

Nomal s Glich, Nomal s Glich.
Wenigstens werded mer so langsam rich.
Nomal s Glich, Nomal s Glich.
Denn machemer halt glich nomal s Glich
Drüviertelstund liedli singe und nach de Pause nomal Drüviertelstund.
Solo, im Duett oder mit schön drüstimmige Gsäng.
Uf möglichst villne Instrument spile damit ihr gsend wi villsiitig mir sind.
Und eu mängmal verschrecke mit liecht und mit Gschrei und mit Päng.
Wie Immer gits schwizerdütschi tegscht, won ich eu d Welt demit erchlär.
Witzig, tüfsinnig und mängisch au es bizeli vulgär. Und mir tüänd wie wenn das für eus immer no total spannend wär.

Nomal s Glich, Nomal s Glich.
Wer lost den i dere Band scho uf mich?
Nomal s Glich, Nomal s Glich.
Jetzt machemer halt glich nomal s Glich.